因為我哋都比較鍾意戶外場地，所以一開頭就係FB、婚享會Website搵過唔同嘅戶外場地資料，比較過之後就覺得The Vow好開揚，又有草地，又有沙灘有海，睇完場地之後就覺得好啱我哋，The Vow除咗係戶外場地，景觀更加係180度，個景觀比起其他戶外場哋相比係有優勢。😍

係睇場嘅過程入面，職員都同我哋講解嘅過程都好清楚，又唔會太Hard Sell，我哋有唔同問題佢哋都會解答我哋，係前期溝通嘅時候，職員都會同我講解如果Big Day當日如果天氣唔好嘅話，佢哋會提供大帳篷，佢哋會調整客人、食物、March in嘅位置，確保客人唔會整濕，如果當日真係太大雨，新人接受唔到戶外舉行儀式，亦都可以選擇轉至室內場地進行。🤓

Big Day當日天氣好好，有陽光但又唔會好熱，又有少少微風，感覺好舒服，因為場地就無酒牌，所以只提供果汁汽水類型飲品，🍹但酒精飲品方面就需要我哋自己安排，佢哋就會收開瓶費，佢哋都係幫手Serve客人。

因為當日我哋都好忙，而去到婚宴嘅中後期，The Vow嘅職員見客人食得咁上下，擔心我哋期間太忙，食得唔夠，佢哋就主動提出幫我哋Pack啲食物，所以感覺幾好。😚

我覺得成個場地都好啱鍾意太陽同客戶感覺嘅新人，而The Vow食物方面我哋都好滿意😋，如果Menu A、B食材方面希望可以平衡下平、貴嘅食材，再俾新人選擇，感覺就更加好，但整體上The Vow服務同食物都好好。👍